قصيدة(انتضرتك)

انتظرتك
يا قلم يكتب على جروحي ملح
ويا جروح هواي بيه
وظل جرح يحسب جرح
يا نجوم تعاندت ويه الظلام
وهمهه تشكيه للصبح
انتظرتك
يا نهر عاف الشواطي
وگام بأيام العطش مايه يشح
يا قصيدة نباگت گبالّ اليشوف
وگامت تخط بنفسهه
وضيعت حتى الحروف .. وما تشوف
بيدك تشگگ اجروحي
وانه اگلك يله روف
انتظرتك ...
وانه بيه الشوگ ظل يكتب قصايد
ولبّس حروف العشگ احله الگلايد
يا غصن زاعل عصافير المحلة
وصار فاس
وظل يحطّب ظل يحطّب
حتى بعيون النعــاس
وانتظرتك .. وانه حته جروحي غنت
وأنت بيدك گطعتهه ..
شگد جبح
وأنت تدري
الشوگ بلوة وضحكة بين ايام عمرك
لو تصح لو ما تصح

الله نايس مشاركة بانتضار الاحلى