لحظه كلي منيلك هذا الجمال
وجمال منهد يوسف منقرض
انته ربك اعتقد من كوناك
راد بيك يشوف يوسف ع الارض
يعني يوسف انته كلش لامحال
يعني واجب لازم انطيعك فرض
.....................................
انته ايه النزلت بحق الجمال
وحارو العلام شيفسرونك
فسرو مقطع فقط من العيون
وطلع ثلثين الجمال اعيونك
..................................
من شفت الكمر شفته احلى مخلوق
وجنت اكتب شعر وصف جماله
ومن شفتك بعد شكتب شعر محتار
اذا هو الكمر ذب استقاله
.........................................
رسمتك صوره حلوه بماي العيون
وخايف عرسم ضميتك بعيني
حتى منرداشوفك ابجي كل ساع
وشوفن صورتك تجري على خديني
........................................
يوسف من دخل صح كطعوله جفوف
ومن حدت جماله الباب داخ الباب
بس اني اعتقد لو انته طبيت
تنعاف الجفوف طير بيها اركاب
.........................................
يل شعرك سرح يتمايل ويلريح
ويلعيونك رصاص وتكتل النضره
اشكد شايف بشر ماشفتك بهل كون
ولا شايف بشر بس يكتل بخزره
......................................
يوسف بجمال مدوخ الناس
ومن شافته الوادم صاحو سم الله
بس انته بجمالك حتى يوسف داخ
ومن شافك توضى واذن وصلى
