قصيدة (ابقى للموت احبك)

اظل للموت احبك وابقى اسولف بيك..
وتظل انت حياتي ونور لعيوني...
وبعدك مااحب صدكني اي انسان..
ولو بينه وبين النار خيرونــــــي...
يكولولي ابتعد عنه تراه نساك..
...عنك ابتعد همــه يريدونــــي...
مايدرون عايش بس على ذكراك..
وموبس روحي ساكن انت بجفوني...
كالولي ابتعد صدك تراه سلاك..
كلتلهم وفي محبوبي صدكوني...
ابقه لوصلك انطر وابقه احب جفاك..
يالوحة حياتي واجمل فنوني...
ومادامك تعتنيلي انت وتكول اهواك..
شلي آني بحجيهم خلي ينسوني..
وغيرك مااحب صدكني ماانساك..
ولو كلهه صفت ضدي وتركوني