قصيدة (مو ممنوع)

مو ممنوع مرة الف ممنوع
على خدودج الحلوة اينزلن الدموع
غبت فد يوم عنج والدمع سال
اشلون الحال اذا فاركتج اسبوع
بعد ماغيب عنج ولو لحظات
وكلامج ياكلامج يبقى مسموع
ودوم الكلب يمج لاتخافين
اشما أبعد عليج ارجعلج ارجوع
مكتوبة علينه انعيش الاهموم
الشمعه اشما تضوي اتذوب وتموع
صحيح اللي يحب ويوافي بالشوق
يخلص العمر كله وكلبه مشلوع
تعالي ولاتكبرين الزعل دوم
تره ابوسة رضا ينتهي الموضوع