~*¤ô§ô¤*~3eYoOn_BghDaD~*¤ô§ô¤*~

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

set by ~*¤ô§ô¤*~7mOdY~*¤ô§ô


2 مشترك

    نكات 2000وهسه

    layouthy
    layouthy


    عدد المساهمات : 37
    نقاط : 5003
    تاريخ التسجيل : 05/12/2010

    نكات 2000وهسه Empty نكات 2000وهسه

    مُساهمة  layouthy الإثنين ديسمبر 06, 2010 9:06 pm

    Cool جبتلكم نكات بلباكيت




    وحدة كَالت لامها دا اتصل بزوجي ومدا يرد اخاف يطلع متزوج ردت الام :ماما تفائلي بالخير يجوز صار انفجار ومات

    واحد عصبي كلش راد يغازل مرته فگللهه: والله لوتدرين إشگد أحبچ ماراح تصدگين وراح تگولين عليّه چذاب... بس آني مو چذاب ....انتي الچذابة انتي وأهلچ ياكلبة يا بنت الكلب وأنعل أبوچ لابو عشيرتچ وصدگ انتي متستحين ومو مال أبقيچ بالبيت .... إنتي طالق يا حقيرة -3-
    ناصريه شاف حيه كام يضحك ... لدغته وظل يضحك , قالتله الحيه ليش تضحك ... قاللها مو بيه ايدز


    البنيه من ميباوع عليهه الولد شتسوي 1_ اذا فات ولد ومباوع عليهه تروح رأساً للمرايه تكول شبيه 2_ تضرب اخوهه الصغير 3_ تاكل اضافيرهه 4_ متتغده ابد بس تشتري بسكت شمائل وتكعد تكرط 5_ تسمع اغاني حزينة احنه اشبينه عمي ما نعجبك 6_ ترجع للبيت تفتح الحاسبة وتدخل جات كتابي 7_ تسوي بالفوتشوب صورتهه ويه براد بيت حتى لتشعر بنقص عاطفي
    -5-
    هل انت حديقة؟ .. اذا مكابل كتبك ومـتامل تنجح دور اول يبووو لك صدك حديقة اذا جماعتك طفروا من المحاضرةوانت بقبقت ولزكت تنتظر الاستاذ فانت حديقة اذا صاحبتك كلتلك خابرني ولكيت رصيدك يوصوص فأنت حديقة اذا كاعد تدز نكت قديمةلجماعتك بالمسنجر وتريد احد يضحك فانت حديقة اذا فتت جات عراقي ومتأمل تحجي خاص ويةبنية ابشرك انت حديقة واذا صارلك ساعة تقرة الخريط مالتي فانت اكبر حديقة وتحيه لايجنت المحشش الي حدق العالم كلها
    -5-
    فد مرة جاهل شاف سوداني جاهل ديرضع من صدر امه كله اضرب دتشرب كاباتشينو

    -6-
    كردي راح للكويت .. من رجع ديحجي لجماعته كللهم هااااااي شنو الكويت رهيبة شكد انبياء بيها .. نبي نروح .. نبي ناكل .. نبي نشرب .. نبي نطلع .. نبي ننام .. لو اضل للصبح اعددهم ما يخلصون


    -7-
    فد يوم واحد شاف صاحبة يلعب بخشمة كله هاي شنو الشبكة مشغولة كالة لا والله الذاكرة ممتلئة


    -8-
    اكو واحد يكتب رساله مكتوب بيهه ربي ارسل لي خمسه الاف دينار ويحطه بنفاخه ويطيرها وكل مايطير رساله تسقط على مركز الشرطه لامرة لا مرتين انقهرو عليه الشرطه وجمعوله ثلاث الاف دينار وودوله على العنوان المكتوب على الرساله ومن استلم الفلوس كال شكرا يا ربي بس بعد لاتدز الفلوس بيد الشرطة ترى اخذو مني الفين دينار -9-
    ايكلك فد مرة عجوزي جان ديخطب خطبة الجمعة فلمن كام ديخطب كال للمصلين :لا ادوخوني سامعين قصة النبي نوح عليه السلام المصلين:اي سامعيها الخطيب:لعد اقم الصلاة. فلمن خلصت الصلاة كلهم يابة انتو سامعين قصة النبي ابراهيم عليه السلام المصلين: اي سامعيها الخطيب: اي هاهية لعد لتجون الجمعة الجاية


    -10-
    سودانية حلمت بلورى فحم؟ سألت مفسر احلام قال؟ الف مبروك هذا العريس واهله
    -11-
    اكو واحد محشش مر من يم مزرعة ابقار سال الفلاح كلة شنو انتو تزرعون ابقار ؟ جاوبة الفلاح ناصب علية.....كلة اي نرش شكر على الكاع وثاني يوم يطلع بقر...راح الممحشش رش شكر واجة ثاني يوم لكة الكاع بيها نمل كال الله : الله شكد البقر حلوين من همة صغار
    هههههههههههههههههه هاي نكتة هسة اجت لسة طازة ههههه

    سؤال موجه الحشاش

    محشش وجهوا له هذا السؤال:
    ماهو وجه الشبه بين الحمار والأرنب؟
    قال: الحمار باللغة الانجليزية
    اسمه دونكي
    احذف (دون) ظلّت كي
    كي بالعربي يعني مفتاح
    نضع كلمة مفتاح في حكمة ... الصبر مفتاح الفرج
    احذف مفتاح الفرج، ظلّت الصبر
    نضع كلمة الصبر في حكمة .. الصبر جميل
    احذف الصبر، ظلّت
    جميل
    يوجد ممثل مصري اسمه جميل راتب
    احذف جميل، ظلّت راتب
    اعكس الحرفين الأخيرين
    (التاء والباء)
    صارت رابت
    ورابت بالانجليزي يعني
    أرنب
    وهو المطلوب اثباته






    العراقي ابد موعصبي

    عصبي راح للخياط گلله:
    شوف.......هذي قطعة قماش
    أرجع عليهه بعد اسبوع ألگاك مفصلياهه قاط


    مو أرجع بعد إسبوع تگللي تعال بعد يومين ...

    أرجع بعد يومين تگللي تعال باجر....
    أجيك ثاني يوم تگللي فد ساعتين......
    والأحسن جيب قماشي

    وأنعل أبوك لابو اليخيط عندك.
    -------------------
    عصبي آخر ...
    عصبي كتب بطاقة دعوة لعرسه:
    اللي يجي، لايمصخها....
    واللي يتأخر، يطبه مرض، تره ما راح يتزقنب عشا....
    واللي ما يجي طز بيه، بس مو صوجه، صوج اللي عزمه......
    دنعل أبوكم لابو العزمكم يا قشامر!!!.
    ----------------
    وآخر

    اجه لزمها من ايدها وكلها تعاي لج


    واخذها على صفحة كلها باوعي:
    آني من أول مشفتج انعجبت بيج،

    واذا مجنتي عمية فأكيد لاحظتيني،

    واذا مو ثولة فأكيد انتبهتي،

    واذا عندج ذرة احساس أكيد حسيتي،

    سمعتي ....مو تكليلي آني ممفكرة بالموضوع...
    انجبي هسه فكري بيه خلي هذا دماغج المحجر يشتغل.........
    مو تكليلي آني ما أفكر بيك بهيج طريقة،

    شنو ! معاجبج ؟! مو بعينج ؟!
    أسوه راسج تره مو عبالج

    ابو بريص سكران يگل لصاحبه: والله لوما الشرب والنسوان جان هسة اني باقي تمساح
    ********
    واحد محشش لگه كنز.. گال: بقت بس الخريطه.
    ********
    محشش خابر الشرطة، گاللهم: انباگ الدشبول
    والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي
    ********
    واحد محشش سمع انه الجزر يقوي النظر.. راح اشتره گونية جزر وگعد يتباوع عليهه
    ********
    واحد گال للبگال: عندك سكر؟؟ گال: نعم.. گال: الحگ ..الصليب الاحمر جايبيلكم خوش ادويه
    ********
    محشش فتح الثلاجه شاف الجلي يرجف گلله: لا تخاف ما آكلك.. جيت اشرب مي بس
    ********
    واحد يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.
    ********
    واحد خابرته صاحبته گالتله: تعال اليوم البيت فارغ.. ماكو أحد ببيتنا..طار من الفرح..راح لبيتها
    ركض..بالباب وگف گال :لعد أني شكو جاي إذا البيت فارغ وماكو أحد؟
    ********
    واحد يسبح بالشط ويندعي: يا إلاهي لاتموتني لخاطر المره والجهال..صديقه سمعه گال له: لك يامره
    ياجهال؟ إنته يمته متزوّج.. غمزله وعض له شفـّه.
    ********
    واحد سكن جديد گال له جاره: اگعود فنجان الگهوه مالتك يمي گال : أي والله يمكن واحد من الجهال
    شمره عليكم.
    ********
    واحد گال للدكتور :دكتور كلما أشرب چاي عيني توجعني..گال له الدكتور :طيب كلما تريد تشرب الچاي
    وخّر الخاشوگه.
    ********
    واحد شاف گشر موز بالشارع گال:أوهوووو..شلون شغله ؟ هم راح نزلگ!!
    ********
    واحد سأل أبو المحل:عندك تلفزيونات ملونه؟ گال له نعم.. گال فد واحد أزرگ للجهال الله يخليك.
    ********
    واحد عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي
    وأكمّل للميّه.
    ********
    واحد گال له أبوه روح إغسل وجهك راح يجونه خطار..گال وبلكي ما إجوا؟
    ********
    واحد أتصل بالأطفاء گاللهم:شنو إذا ماكو حريق منشوفكم يعني؟؟
    ********
    طالب سأله المعلم:من هو النبي الذي كان يكلم الحيوانات؟؟ گال: سيدنا طرزان عليه السلام.
    ********
    واحد راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟؟
    ********
    واحد شاف نافورات هواي ببغداد گال : حيل..!! شكثر بيهه بوريات طاگه.
    ********
    واحد شاف ببغداد قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟
    ********
    واحد سوّه معمل خل طلع كسر لإن طلعت إشاعه عليه أن الخل مالته عتيگ.
    ********
    واحد تعين بالأمن السري مال الكعبه شاف واحد يطوف گاله : شعندك ولك تفتر هنا؟
    ********
    حشاش يشتغل بالكهربائيات جتي عليه وحده تكوله جرس البيت عاطل..كلها باجر اجي اصلحها ..رجعت عليه مره لخ كلتله اشو مجيت ..كلها اجيت ودكيت الجرس بس محد مطلع
    ********
    واحد محشش مسوي حادث بالتريله كاتل 40 واحد..ساله القاضي:ابني شلون كتلت اربعين واحد انت؟ما تعرف تسوق؟جاوبه المحشش :سيدي اني جنت ماشي سريع ودست بريك بس فگس البريك بيدي وجان گدامي شارع رايح يمنه وشارع رايح يسره.عاليمنه اكو ثنين شباب وعاليسره اكو سوك..شسوي اني؟جاوبه القاضي:تروح عالشباب الاثنين.فگال المحشش:اني هم رحت عليهم بس شسويلهم انهزمو للسوگ
    ********

    واحد شاف كردي بالمستشفى كله ها كاكا خير خو ما اكو شي كله لا والله كاكا بس الوالد شوية متوفي
    ********
    اكو فد واحد كردي كلة الى واحد عربي اذا عرفت كم جكارة ابجيبي انطيكياهن خمستهن
    ********
    محشش راد يشتري دوش كال لابو المحل ماعندك مكينه تسوي المي مثروم
    ********
    اكو واحد مصلاوي راد يصبغ بيتهم صبغ نصه والنض الثاني كتب عليه نفس اللون
    ********
    عراقي وامريكي ديلعبون شطرنج الامريكي وصل الجندي مالتة لنهاية رقعة الشطرنج فيتحول وزير, العراقي وصل الحصان مالتة للنهاية وحولة وزير, كلة الامريكي هاي شنو ميصير بقوانين اللعبة تحول الحصان لازم بس الجندي, كلة العراقي ليش احنة كل الحصونة عدنة صارت وزراء
    ********
    محشش راح للدكتور گالت مرتة خير شطلع وياك: ضفدع بالماعون لأ . تمساح بالبانيو هم لأ .. سلحفات بالسطل لأ . أحسن شيئ اخابر على الدكتور واساله : دكتور شنوكتلي مرضي ؟ كال سرطان بالحوض
    ********
    كردي راح للامارات گال مو عدكم شيخ زايد؟ انطونة واحد
    محشش بالجامع وگف يمة سوداني فگال الشيخ استووا واستقيمووا
    فگال المحشش اني استويت بس اليمي احترگ

    دكتور يگول لواحد محشش: تخفيف الوزن يحتاج عزيمة!

    المحشش: صار تتدلل دكتور باچر عشاك عندي


    ولد يسأل أبوه :بابا شنو الفرق بين (القضاء والقدر) و (المصيبة)
    گال الأب :لو رحنا نسبح بالشط وغرگت امّك، هذا ( قضاء و قدر) ما نعترض عليه!
    لكن ( المصيبة ) لو طلعت امّك تعرف تسبح !!!


    واحد فاز بمليون دولار فراح يبشر زوجته ، زوجته رأساً ماتت من الفرحة
    گال : سبحان الله ، الخير لمن يجي ، يجي كلّه مرّة وحدة


    اكو واحد اثول گاعد على سكه القطار: اجه القطار دك هورن ططططططططططططيط يمعود طططططيط ولاچنه يسمع...فداسه القطار ومات .. راحوا اهله يدفنوه..
    اجه الدفان ايصيح عليه ويگله:اذا جاءك الملكان فقل لهم الله ربي ومحمد نبيي وبدا يردد هالجملة مرتين وثلاثه
    عم الميت گلّه للدفان عمي ادفنه ادفنه هو هورن القطار ماسمعه اتريده ايسمعك؟؟


    طالب بس مطفي گاعد بالصف كل شوية يضحك.وعلى غفله چان يخرب من الضحك.
    المدرس تعصّب وصيّح عليه : ليش كل شويه تضحك؟
    چان يگول : مو چنت دا أحچي لنفسي نكات واخر وحدة بيهم ما سامعها قبل بس تموت ضحك.


    محشش يكلم زوجتة : حاضر يا حياتي .. تتدللين يا عمري .. آؤمريني يا گلبي ..
    سأله صديقه : غريبة گاعد وتدلع بزوجتك .. مو من عوايدك ؟!!
    گال : بيني وبينك ناسي اسمها!!



    اثنين محششين ديتحاورون:
    الأول : إذا دخلنا الجنة وأخذنا حور العين ... نسواننا شنسوي بيهم ؟!!
    الثاني : ننطيهم للكفار !!



    صعيدي خبط واحد بالعربية ... وأثناء التحقيق دار هذا الحوار :
    الضابط : خبطته بالعربية إزاي ؟!!
    الصعيدي : يا افندم آني اديته كلاكس وولعتله النور واديته فلاشر . وهو اللي مارضيش يبعد من طريقي !!
    الضابط للمصاب : لما هو إداك كلاكس ما بعدتش ليه ؟!!
    المصاب : يا بيه أنا قاعد في دكاني .. أبعد أروح فين !!



    محشش سألوه : تعرف ب ي ت هوفن ؟!!
    قال : خليني أعرف هوفن أول شي بعدين اعرف بيتهم


    بدوي سمى ولده خنزير !!
    گالوا له الناس : ليش حرام عليك !!
    گال : يا جماعة شبيكم الاسم مو مذكور بالقرآن ؟؟



    .. واحد باع الي وراه والي كدامه واشتره اليبصفه
    .. واحد سواله خطه حصر نفسه
    .. واحد راح للشعله لكاه مطفيه
    .. واحد مرته صينيه قدم بيها شاي
    .. واحد طلع من الباب من يرجع اكملكـ
    .. واحد احتركت اعصابه انجوه
    .. واحد عيونه خضر شرهن على الحبل
    .. واحد سجينته عميه لبسها مناظر
    .. واحد نصه التلفزيون عبر من فوكاه
    .. واحد دشداشته عريضه شدلها طابه
    .. واحد لبس عسكري شافه ضيق نزعه
    .. واحد ضرب دالغه كتلها بمكانها
    .. واحد ضربه الهوة تعاركـ وياه
    .. واحد كعد وي نفسه مقبلت
    .. واحد طبكـ حسه حطه بالكنتور
    .. واحد انهزم النوم من عينه ركض وراه
    .. واحد شد حيله انكطع
    .. واحد فاته الوكت اخذ تكسي وراح وراه
    .. مرة واحد حب . اكله العصفور
    .. واحد طفرت روحه حتى تشتم هوة
    .. واحد فقد توازنه راح يدور عليه
    ..وحدة جابت توم والثانيه جابت جيري
    .. واحد روحه طفرت جان تنكسر رجله
    .. واحد راد يصير ارهابي خطف ابنه
    .. واحد اتأخر على النوم لكه الحلم بادي
    .. اكو واحد حب والثاني فستق
    .. فد مرة وحدة بعيد الحب راحت لأبو المكتبه كالتله عندكـ بطاقه مكتوب بيها الى حبيبي الوحيد
    كاللها اي .. كلتله انطيني 14 بطاقه هههههههههههههههه
    .. فد يوم اربع سودانين اتغطو بطانيه حمرة نكبلو كيت كات
    ..واحد سأل امه كاللها ليش جيرانه يجيبلنا كلشي للبيت ؟ كالتله لو اعتمد على ابوكـ جان حتى انت ما اجيت هههههههه

    1= محشش منع زوجته من زيارة اهلها خوفا من فلاونزه الطيور .. كالتله بس اهلي ما عدهم لا بط ولا دجاج ولا اي نوع من الطيور .. كاللها اي بس امج بومه

    2= سألو جلال الطلباني كم سورة بالقرءان .. كاللهم القرءان مابي سور بي بس كتابه

    3= فد يووم عربي راح للشمال وكعد بمطعم وطلب قطه لحم بعجين عمال المطعم جابله بس عجين بدووون لحم .. كاله وين اللحم .. كاله لعد اني من اجي لبغداد اريد صابون ركي تنطوني بس الصابون متنطوني ركي

    4= حشاش سلبو سيارته خرب من الضحكـ سألوه شبيكـ كاللهم لو يموتون ما اسويلهم وكاله

    5= محشش دفن نص جسمه .. ديصور فيديو كليب انا اعايش ومش عايش

    6= محششه ضايجه جارتها كالت هاي ليش ضايجه .. المحششه كالت دزيت ابو الجهال للسوق يجيبلي فاصوليه فدعمته سياره ومات.. كالتلها اي شراح سوين .. كالت اسوي باميه امري لله

    7=كردي راح يشتري راشي نسى اسمه كاله ما عندكـ لبن عسكري

    8=استاذ كال للطلاب : الي يحس نفسه غبي يكووم يوكف فكام طالب : سأله الاستاذ انت غبي : جاوبه الطالب : لا استاذ بس استحيت اعوفكـ واكف وحدكـ

    9=كردي اتعين بالحرس الوطني كاله لأمر مالته حظر التجوال يبدي الساعه 10 اذا طلع واحد بعد 10 اقتله . طلع واحد الساعه 9 كام يرمي وقتله اجه الامر كاله ليش : كاله سيدي هذا جيراني اعرفه ما يوصل لأهله الساعه 10

    10=كردي عنده عطفور يومين او مات .. لان كل ما يوصوص يحطله دهن

    11=هندي تعوذ من الشيطان طلعله الشيطان كفخه راجدي كاله ما بقت علينه غير هل الشكولات

    12=محشش يكول لصاحبته ماظلت وحدة بنفسي من البنات اذا ما خليتها تركض وراي . كاللتله صاحبته شتسويلهن .. كله ابوكـ جنطهن

    13= لوتي يفرش بالحديقه وينام بالسطح ليش ؟ يضحكـ على الذبان

    14=معلم كال للطلاب بدرس الانشاء : اكتبو موضوع انشائي وتخيلو نفسكم مدراء احدى الشركات ؛ بدو يكتبون ألا طالب واحد فسأله المعلم : بابه ليش متكتب ؟؟ الطالب : منتضر السكرتيره تجيبلي الاوراق

    15=يوم دكتور ( مدير مستشفى المجانين ) راد يشوف منو العاقل .. دخل للغرفه لكاهم كلهم يسوقون سيارات ( تيت تيت .. فن فن ) بس واحد كاعد على صفحه ويفر بالمداليه . الدكتور كال يمكن هذا عاقل فسأله ليش متسوق ؟ جاوبه دكتور متشوف واكف سره على البانزين

    16= اكو واحد يكتب رساله مكتوب بيها ربي ارسلي خمسه الاف دينار ويحطه بنفاخه ويطيرها وكل ما يطيرها توكع على مركز الشرطه لامرة ولا مرتين .. انقهرو عليه الشرطه وجمعوله ثلاث الاف دينار وودوله على العنوان المكتوب بالرساله من استلم الفلوس كال شكرا ياربي بس لاتدز الفلوس بيد الشرطه ترى اخذو مني الفين دينار

    17=كردي دخل ايده بالتيزاب طلهعه شافها ماكو .. دخل راسه يدور عليها

    18=فد يوم واحد كرصته عكربه راح لامه كاللها يمه كرصتني عكربه جان تكله طرطارا طراطرارا

    19=مرة محشش سجل اخته ببرنامج من سيربح المليون ليش ؟؟ ديشوف اخته بيا صديق تتصل

    20= فد يووم حجيه مسجله بمعهد الاميه اول درس جان عدها اسمه ( دخل سالم طلع سالم ) فالمدرسه كل متكول دخل سالم هيه تغطي وجها بالربطه ومن تكول طلع توخرها .. رجعت للبيت زوجها كاللها ها شدرستو اليوم جان تكله هوة سالم خلانا ندرس شي

    21= مرة واحد كل مينام يحلم كتاكيت يلعبون كرة قدم فوكـ راسه كل مرة نفس الحلم .. راح للدكتور كاله دكتور هيج احلم اني . الدكتور: كله لتنام يوم او يومين .. كاله شلون ما انام باجر النهائي

    22=محشش سألو شنو اقدم حيوان .. كاللهم الحمار الوحشي كالو ليش ؟؟ كلهم مو ابيض واسود

    23=كردي اشترى ستلايت زوجته كالتله منين جبت الفلوس كالله بعت التلفزيون

    24=كردي سألوه شنو رايكـ بالزواج المبكر ؟؟ كاللهم يعني ساعه بيش

    25= محشش لكه سجينه عميه عبرها الشارع

    26=ابليس انهزم من العراق كاللوله ليش .. كاللهم علمتهم على البوكـ ويكتبون هذا من فضل ربي

    27=محشش رشح للانتخابات كتب جوة صورته عسى ان تكرهو شيأ وهوة خيرا لكم

    28= واحد ربح مليون دولار خابر على زوجته وكلله حضري ملابسج كالتله الشتويه لو الصيفيه .. كله بكيفج المهم ارجع ما اشوف خلقتج بالبيت

    29=مصلاوي راح يخطب بنيه .. كالوله المهر عشرة الاف كال اشدعوة لكيت بالفين وحامل

    30=محشش وي صاحبته بالمطعم طفت الكهرباء .. كالتله يلا انتهز الفرصه .. كام انهزم بلا ميدفع الحساب

    31=واحد تزوج نانسي عجرم راح لشيخ الجامع كله اريد اطلكها لان متصوم رمضان جاوبه الشيخ كله خلي بالكـ ترى رمضان يروح ويجي بس هاي اذا راحت بعد متجي

    31= محششين بلندن ركبو باص ابو الطابقين .. الي فوكـ يدكـ على الي جوه يكوله : شكد تمشون ؟ كاله 80 ... او انتو ؟ كال الي فوكـ احنا لحد الان سايقنه ما اجا

    32= محشش خيط نعاله ورة عشر ايام فتح الخياط .. كالوله ليش .. كلهم صار زين هههههههههههههه

    33= مرة محشش راح يسوي تحاليل شامله كلوله عندكـ سرطان بالمخ كال يا ستار المخ منين اجاني

    34= واحد يركض الناس سألوه ليش تركض اكو شي ؟؟ كاللهم لا بس بلكي يصير شي ههههه

    35=محشش مينام بالليل ليش ؟ يريد يشووف منو يخربط شعره

    ..... محشش ديسوق فراد يشغل الراديو كالت المذيعه هنا لندن كال انعل ابو السرعه
    .......... محشش كطع راس صاحبه هوة ونايم كال اذا كام وما لكه راسه يموت من الضحكـ
    .......... محشش سأل محشش اذا عرفت شكو بالكيس اعطيكـ منه سمكه قال بحر
    .......... محشش امه تكله الشمس طلعت كاللها دخليها وسدي الباب
    ........... محشش يدري الشيطان شاطر راح يقرة وياه
    .......... محشش اتصل على الخطوط الجويه كاللهم كم تستغرق رحلة بيروت. بانكوكـ كال الموظف لحضة كال شكرا
    ............ محشش يغازل لبنانيه كالتله ..خيو حل عني .. كاللها .. ليش امتحاناتكم صعبه
    .......... محشش سألوه شنو اسم اخوانكـ كاللهم .. كلهم محمد ما عدى صالح اسمه خالد
    .......... 3 محششين بمزرعه طبت عليهم الشرطة كل واحد ختل بكارتونة اجى الشرطي دكـ الكارتون الاول واحد صاح واق واق ( بطه ) دكـ الكارتون الثاني واحد صاح كوكوكوووووو( دجاجه ) ودكـ الكارتون الثالث مكال شي رجع ضربه مرة ثانيه بكل قوة هم مجاوب رجع ضربه مرة ثالثة جان يصيح يمعود . ركي ركي ميطلع صووووت هههههههه
    avatar
    CNARY


    عدد المساهمات : 23
    نقاط : 4917
    تاريخ التسجيل : 06/12/2010

    نكات 2000وهسه Empty رد: نكات 2000وهسه

    مُساهمة  CNARY الإثنين ديسمبر 06, 2010 9:07 pm

    هههههههههههههههههههههههه نايس ليوثي هههههههههههههه ننتضر الاحلى

      الوقت/التاريخ الآن هو الجمعة مارس 29, 2024 8:55 am