set by ~*¤ô§ô¤*~7mOdY~*¤ô§ô


    قصة الملك وبناته الثلاثة <<تــــــحشيـــــــــش >>

    شاطر
    avatar
    الشبح

    عدد المساهمات : 16
    نقاط : 2550
    تاريخ التسجيل : 07/12/2010
    العمر : 24

    قصة الملك وبناته الثلاثة <<تــــــحشيـــــــــش >>

    مُساهمة  الشبح في الجمعة ديسمبر 10, 2010 3:57 pm

    كان يا ما كان في قديم الزمان. ملك عنده ثلاث بنات


    حب في يوم من الأيام انه يختبر حبهم اله.

    جاب الكبيرة (وجه البكسة).

    قالها: يابا يا حبيبتي قديش بتحبي أبوكي الملك

    البنت من غير تفكير : بحبك قد ما السمك بحب البحر

    الملك فكر وقال في باله : ايهو السمك بقدر يعيش بدون بحر هاي البنت بتحبني كتير .

    وقال الها : أنا كنت عارف انك بتحبيني بس مش لهدرجة . وقام اعطاها قصر كبير ومجوهرات

    جاب البنت التانية ( واسطة العقد ) وسألها نفس السؤال .

    فقالتله : بحبك قد ما الطير بحب السما .

    انبسط الزلمة وكيف . وأعطاها قصر جنب أختها ومجوهرات وميمعة

    جاب البنت الصغيرة ( اخر العنقود اللي بموت فيها ) وسألها نفس السؤال .

    قامت جاوبته : بحبك قد ما الدقة بتحب الشطة

    الزلمة زعل وعصب وقام لفحها كف خلا أيديها و رجيلها اربعة ومسكها من شعرها وزتها برة القصر . وما رضي يسمع منها ولا نص كلمة . البنت دارت بالحواري وعلى أرصفة الطرقات وتسمع كلمة من هاد وكلمتين من هداك . لغاية ما ربنا حن عليها و أجاها مزارع مسكين على باب الله حبها وحبته وراحوا سكنو بالكوخ تبعه اللي بنص الغابة

    ودارت الأيام ومرت الأيام ما بين بعاد وخصام

    وفي يوم من الأيام كان الملك قاعد بتصيد بالغابة ونسي حاله وسرح وضاع بالغابة. دور على المرافقين . ولا هم هون . طب الحرس . فص ملح و داب . وين الشباب؟؟؟؟؟؟؟؟ لا حياة لمن تنادي .

    ضل الملك يمشي ويمشي .لغاية ما لقي هالكوخ لصغير قال يلا بفوت برتاح وباكلي لقمة. دق على الباب فتحلوا صاحب البيت وهو مش عارفه. دخلوا جوا وهو شايفه تعبان. وصار يحكي مع الزلمة. مرته مش خافي عليها الصوت. قام الزلمة بيقول للمرة اذبحيلنا جاجتين خلينا نتعشى ونعشي الضيف. المرة مين طبعا ؟؟؟؟؟؟؟؟؟ واضحة بنت الملك المقصوفة الصغيرة

    بدت تشتغل بالجاجات وخطر على بالها فكرة. نادت جوزها وقالتله خود شوية الدقة هاي مع صحن زيت سلكو فيهم لغاية ما يخلص الاكل شكله الزلمة ميت من الجوع

    والله الزلمة عجبته الفكرة وقام حط الزيت والدقة قدام الملك وقاله: اتفضل يا عمي على بين ما يجهز الاكل . الملك ميت جوع وهو بحب الدقة كتير. ما بلع اول لقمة ولا صار بده يستفرغ

    وصاح بالزلمة : ولكو شو هاظ دقة من غير شطة ؟؟؟ كيف بتاكلوها هاي؟؟؟؟؟؟؟؟؟؟؟



    وفجأة اتذكر بنته الصغيرة وصار يعيّط زي الهبايل . قاله الزلمة: ول، شو مالك يا زلمة انت العاقل . كل هاظ مشان شوية دقة هسة الجاج بخلص...قلعطتني...شو هالعالم هاي. راح الملك حكى للزلمة القصة . وهو خلص من هون نطت البنت وقالت : بخخخخخخخخخ ،،، كيفك يابا؟ عرفت قديش بحبك يا اهبل ؟؟؟؟؟؟

    وهيك عرف الملك قديش بتحبه بنته . وجابتله دقة بشطة . طبعا ما أكل منها ولا لقمة لأنه نزل بالجاج جرد

    و أعطاها قصرين ومجوهرات و سوبر ماركت و كروز

    للمزيد من المعلومات الاتصال على شبووووووووحي shpp7s@yahoo.com lol! lol! lol! lol! lol! lol!
    avatar
    AL_MJRO7

    عدد المساهمات : 45
    نقاط : 2650
    تاريخ التسجيل : 07/12/2010
    العمر : 32
    الموقع : http://www.facebook.com/profile.php?id=100001219164445

    رد: قصة الملك وبناته الثلاثة <<تــــــحشيـــــــــش >>

    مُساهمة  AL_MJRO7 في الجمعة ديسمبر 10, 2010 4:37 pm

    ناااااايس قصة عجبتني مؤثرة هههههههههه ولو هي تحشيش
    avatar
    الشبح

    عدد المساهمات : 16
    نقاط : 2550
    تاريخ التسجيل : 07/12/2010
    العمر : 24

    خل يوووووووولن

    مُساهمة  الشبح في الجمعة ديسمبر 10, 2010 4:51 pm

    يعني موثره وتحشيش الله ميرضاها مجروح خل يولن اصفالك علة وحده Razz affraid

      الوقت/التاريخ الآن هو الإثنين أكتوبر 23, 2017 4:04 pm